Dengdana gistî ji bo hilbijartinên encumenên parêzgehên Iraqê destpê kir

PeyamaKurd – Dengdana hilbijartinên encumenên parêzgehên Iraqê piştî 10 salan di saet 7:00an de destpê kir.

Li Iraqê 2 roj berê di çarçoveya " dengdana taybet" de hêzên ewlehiyê û kesên navxwe dengên xwe dan.

Zêdetirî 16 milyon kes mafê dengdanê di hilbijartinên encumenên parêzgehan de heye; Komîsyona Hilbijartinan a Iraqê 7 hezar û 765 navendên dengdanê ji wan 48 hezar û 40 navendên dengdanê ji bo dengderan ava kirin.

Li gorî daneyên Lijneya Bilind a Hilbijartinê, wê sindoq ji aliyê 214 hezar û 595 kesan ve bên birêvebirin ku di nav wan de memûr, xwendekarên zanîngehê û mezûn jî hene.

Di hilbijartinên navborî de, 70 partî û hevpeymanî hevrikiyê dikin bo 275 kursiyan li her 15 parêzgehan û nêzîkî 6 hezar namzed bi awayekî serbixwe hevrikiyê dikin.

Hilbijartinê sibê di saet 7.00an de destpê kir û wê saet 18.00an bi dawî bibe.

Muqteda Sedr, rêberê olî û siyasî yê Şîeyan ku mezintirîn binkeya Şîeyan li Iraqê ye, van hilbijartinan boykot dike.

Li Iraqê ku herî dawî di sala 2013an de hilbijartinên herêmî hatin kirin, heta hilbijartin bi dawî bûn, ewlekarî di asta "hişyariya bilind" de hat kirin.

Hilbijartinên encumenên parêzgehan ku diviyabû her 4 salan carekê bihatana kirin, ji ber êrîşên rêxistina terorîst a DAIŞê piştî sala 2013an, aramiya ewlehî û siyasî nekarîn bên kirin.

Li gel ku piştî xwepêşandanên sala 2019an meclîsên parêzgehan hatin hilweşandin, herî dawî hilbijartinên herêmî yên Kerkûkê di sala 2005an de hatin kirin.

Kurd li parêzgehên Kerkûk, Nînowa, Diyala, Selahedîn û Bexdayê beşdarî hilbijartinan dibin.