"Divê em sîstemeke cîhanî ya bihêztir û piralî ava bikin"

PeyamaKurd – Sekreterê Giştî yê Neteweyên Yekbûyî Guterres diyar kir ku beriya "Lûtkeya Pêşerojê" ya ku di çarçoveya Lijneya Giştî ya Neteweyên Yekbûyî de bê lidarxistin, reforma saziyên cîhanî girîngiyeke sereke ye.

Sekreterê Giştî yê Neteweyên Yekbûyî (NY) Antonio Guterres ji bo çalakiya serhêl a "Bangeya Zîrveya Pêşerojê ya Neteweyên Yekbûyî" re peyamek vîdyoyî şand.

“Encûmena Ewlekariyê ya Neteweyên Yekbûyî di paşerojê de asê maye. Mîmariya darayî ya navneteweyî bêbandor û nederbasdar e." Guterres diyar kir ku pergala navneteweyî ya heyî ji bo çareserkirina gelek pirsgirêkan têrê nake.

Guterres destnîşan kir ku "Lûtkeya Pêşerojê" ji bo avakirina "sîstema gerdûnî ya piralî" ya bihêztir firsendekê nîşan dide.

Guterres bal kişand ser wê yekê ku reforma sazî û dezgehên cîhanî girîngiyeke sereke ye û destnîşan kir ku ji bo nifşên paşerojê pêdiviya zêdetir bi hevgirtina cîhanî heye.

Guterres diyar kir ku ji bo têkoşîna li dijî kêşeyên serdema nû divê NY jî were nûvekirin.

Guterres diyar kir ku pêwîst e firsenda "Lûtkeya Pêşerojê" were bikaranîn, ji welatên endam xwest ku piştgiriyê bidin peymanên ku niha tên gotûbêjkirin.