Diyarbekir | Amarên avahiyên xisardîtî û yên bilez bên hilwesandin hatin eskere kirin

PeyamaKurd - Platforma Hevgirtin û Parastina Bajar a Diyarbekirê ku ligel tîmên Wezareta Jîngeh Bajarvanî û Guherîna Keşûhewayê ya Tirkiyê, piştî erdheja 6ê Sibatê li Diyarbekirê beşdarî karûbarên diyarkirina zirar û ziyanên avahiyên li bajêr bûye, amarên dawî yên xisarên gihîştine avahiyan li ser hesabê xwe yê medyaya civakî belav kir.

Platformê ragihand, li Diyarbekirê 22 avahî ruxiyane, 57 avahî divê bilez bên hilweşandin û ziyaneke mezin li ser 2 hezar û 295 avahiyan çêbûye ku 2 hezar û 236 avahî xwedî xisara navincî ne.

Diyarbakır kent geneline ilişkin hasar tespit verileri(bina);

?79 Acil yıkılacak-Yıkık,
?2295 Ağır hasarlı,
?2236 Orta hasarlı,
?25193 Az hasarlı,
?72229 Hasarsız,
⚫2769 Tespit yapılamayan
⚫8001 Değerlendirme dışı, olarak tespit edilmiştir.

— Diyarbakır Kent Koruma ve Dayanışma Platformu (@dkkdplatformu) February 28, 2023

Platforma Hevgirtin û Parastina Bajar eşkere kir, li bajêr 25 hezar û 193 avahiyan jî xisareke kêm dîtine û hîn 2 hezar û 769 avahî jî nehatine kontrol kirin.

Herwiha 8 hezar û 1 avahî li derveyî proseya nirxandinê hatine hiştin û li ser 72 hezar û 229 avahîyên hatine kontrolkirin jî ti xisarek nehatiye tomarkirin.