Dronên Tirkîyeyê êrîsî Qamislo kirin: 2 birîndar

Peyama Kurd - Hate ragihandin ku dewleta Tirkîyeyê li dijî Rêveberîya Xweser ya Bakur-Rojhelatê Sûrîyeyê (Rojava) êrîşeke din a dronî pêk anîye.

Jêderên herêmî ragihandin ku êrişa dronî ya artêşa Tirkiyeyê li derdora Rêveberiya Avê ya bajarê Qamişlo ya Rêveberîya Rojava pêk hatîye.

Jêderan ragihandin ku di encama êrîşa dronî ya artêşa Tirk a li derdora Rêveberiya Avê ya li rojhilatê Qamişlo de 2 kes birîndar bûne.

Artêşa Tirkiyeyê ji 23ê Kanûnê ve bi dron û frokeyên şer, bi dehan sazî û navendên xizmetê û xalên asayişa Hêzên Sûrîyeya Demokratîk (HSD) ên navçeyên cuda yên Rojavayê Kurdistanê bombebaran kirin.

Li gorî amaran, heta niha di van êrîşan de 10 kesan canê xwe ji dest dane, hejmarek kes birîndar bûne û ziyanên madî yên mezin derketine.