Du belemên koçberan binav bûn: Bi dehan kes winda ne....

PeyamaKurd - Ajansa Îtalî ANSAyê ragihandiye ku derengiya şevê du belemên koçberan li devera Lampedusayê binav bûne û bi dehan kes jî winda ne.

Hatiye ragihandin ku li peravan termê jinek û zarokekê hatine dîtin û 57 koçber jî hatine rizgarkirin, lê belê ji bo rizgarkirina zêdetirî 30 kesên winda jî lêgerîn dewam dikin.

Li gorî Rêxistina Navdewletî ya Koç û Koçberan (IOM) di belemekê de 42 û di ya din de jî 48 kes bûn û ji koçberên Afrîkayê pêk dihatin.

Li gorî amarên IOMê ji sala 2014an ve, li peravên 14 hezar koçberên xwestine ji ser Libya û Mexrîbê biçin Îtalyayê di deryayê de winda bûne û can dane.