Endamê Lîjneya Asayîs û Bergirîya Parlemantoya Iraqê Herkî bi Kazimî re dicive

PeyamaKurd – Endamê Lîjneya Asayîş û Bergirîya Parlemantoya Iraqê Dr. Nasir Herkî wê îro, bi Serokwezîrê Iraqê Mistefa Kazimî re bicive û di civînê de rewşa emnî ya herêmên Kurdistanî yên derveyî îdareya Herêma Kurdistanê gotûbêj bikin.

Dr. Nasir Herkî  diyar kiriye, wê Lîjneya Asayîş û Bergirîya Parlemantoya Iraqê ligel Mistefa Kazimî bicive û di civînê de rewşa emnî ya herêmên Kurdistanî yên derveyî îdareya Herêma Kurdistanê û teqînên li Bexdayê werin gotûbûjkirin.

Herwiha Dr. Nasir Herkî destnîşan kiriye, civînan de armanca wan baştirkirina rewşa emnî ya bajaran û encamdana hemahengiyeke zêdetir e di navbera hêzên taybet ê Herêma Kurdistanê û Iraqê û kontrolkirina rewşa emnî û jinavbirina metirsiyane.

Herî dawî Dr. Nasir Herkî daye zanîn rewşa emnî ya Herêmên Kurdistanî yên derveyî îdareya Herêma Kurdistanê, babeteke din a guftugoyan e û heta niha rêkeftina Şingalê jî nehatiye cîbicîkirin û wê ew jî di civînê de were gotûbêjkirin.