ENKS: Ji ber Qendîlê her sal ji 6 milyonan zêdetir bermîlên neftê didin rejîma Sûriyê

PeyamaKurd – Endamê rêveberiya Encûmena Niştimaniya Kurd li Sûriyê (ENKS) axivî û da zanîn, ji ber fişarên Qendîlê li ser îdareya Rojavayê Kurdistanê, her sal zêdetir ji 6 milyon bermîlên neftê ji rejîma Sûriyê re tê dayîn, da ku li Rojavayê Kurdistanê bimînin.

Endamê rêveberiya ENKSê Nûrî Birîmo diyar kiriye: ‘‘Ji roja Beşar Esed Rojavayê Kurdistanê radestî PKKê kiriye heta niha, bazirganî û karên binve binve di navbera PKKê û hikûmeta Sûriyê de berdewam in. Niha jî bi berdewamî 6 neft bi qaçaxî li Rojavayê Kurdistanê ve bi Şamê diçe û salane 6 milyon bermîlên nefte divê ji hikûmeta Sûriyê re bê dayîn.’’

Herwiha destnîşan kir: ‘‘Heta sala borî jî aşê genim û arê Cizîrê di dest rejîmê de bûye û niha PYD di bin destê wan bixwe de ye. Arê xelkê tine û bi qaçaxî hemû ji Şamê re tê şandin. Rêkeftinekî wisa hatiye kirin, PKK wek parastvan be bo parêzgerî li bîrên neftê bike û PKK neftê bifroşe û dolar bişîne bo Şamê.’’

Nûrî Birîmo eşkere kir: ‘‘PYD û PKK destê wan di qaçaxçîtiya mezin a li gel hikûmeta Sûriyê de heye. Berdewam nefta zêdetir ji hikûmeta Sûriyê re tê dayîn û hîn boriya nefta Rimêlan û Hemis di kar de ye û berdewam jî neft bi tankeran diçe bo Şamê. Balefirgeha Qamişlo û Şam yek rojê jî naraweste. Berdewam PKK cezayên Şamê ji aliyê Amerîkayê ve sivik dike. Zanyarî hene ku bi rêya balefirgehê ve macerayên mezin li ser Rojavê Kurdistanê de anîne.’’