Erdogan biryarên nû yên koronavîrusê ragihand raya gistî

PeyamaKurd- Îro komîte ya Zanistî ya li dijî koronavîrusê civîna xwe çêkir û li dora 20 ê êvarê, şîretên xwe yên nû pêşniyarê serokkomarê Tirkiyê Recep Tayîp Erdoğan kir. Piştî beyana halê niha yê li Tirkiyê, Erdoğan hinek xalan weha ragihand:

-Eger em tedbîrên xwe bicîh bînin, em ê biserbikevin.

-Di miajara xida û dermanan de ti astengiyên me nînin.

-Zîncîre ya hilberînê dixebite. Eger kes an dezge hebin ku malên xwe stok bikin, em li pey wanin û em ê nehêlin.

-Herî zêde livîn û kursî yên lezgînî (yoğun bakım) li welatê me ye.

-Me jimara testan û kîtên ku teşxîsê bilez datînin xistiye dewrê.

-Test bê pere tên kirin.

-Civîna hukumeta me her hefte di rêya telekonferansê de çêdibe. Em tedbîrên xwe li gor şîretên heyeta zanistî distînin.

Tedbîrên me yên ku hatine zêdekirin ev in:

1- Gera navbera bajaran bi îzna parêzgehê ve hatiye girêdan.

2- Di sektora taybet de wê bi jimara xebatkarên herî kêm xebat bêkirin.

3-Di alavên gihandina giştî de (trên, otobus,dolmûş..) wê rûniştin firk be.

4- Sehayên pîknîkê wê dawiya hefteyê bên girtin. Di nava hefteyê de wê xelkê me bi komkî an civatkî nerûnê.

5-Leşkerên me li gor qaîdeya 14 rojan wê bên terxîskirin.

6- Seferên derveyê welat bi temamî hatine betalkirin.

7- Li temamên parêzgehên me, wê di bin serokatiya parêzger de heyeta pandemî bê avakirin. Eger pêwsit be wê tedbîrên zêde bên sitendin.