Gallant: Ti sedem tune ku artês li Xezzeyê bimîne!

PeyamaKurd – Wezîrê Parastinê Yoav Gallant ku ji aliyê Serokwezîrê Îsraîlê Benjamin Netanyahu ve ji wezîfeyê hat dûrxistin, ev rastiya ku hê jî artêş li Şerîda Xezzeyê dimîne bi israra Netanyahu ve girêda.

Hat diyarkirin ku Wezîrê Parastinê yê berê Yoav Gallant ji xizmên êsîr re bi îdiaya "Artêşa li Şerîda Xezzeyê gihîştiye hemû armancên xwe" gotiye, "Ti sedem tune ku artêş li wir bê hiştin"

Li gor nûçeya doh a kanala 12 ya ku li Îsraîlê weşanê dike Gallantê ku bi xizmên girtiyan re hevdîtin kir diyar kir ku tu sedem tune ku artêş li Xezzeyê bimîne û Serokwezîr Benjamin Netanyahu rexne kir.

"Ez ji we re dibêjim ev ne nirxandineke dîplomatîk e."

Gallant ji xizmên êsîr re got, "Ez dikarim ji we re bibêjim çi tune ye; fikarên ewlehiyê. Me û Serokê Serfermandariya Hevbeş got ku mayîna li Korîdora Filadelfiyê hinceteke ewlehiyê tune."

Gallant anî ziman ku Netanyahu jê re gotiye, "biryara mayîna artêşê li herêmê di çarçoveya nirxandinên dîplomatîk de ye" û ji xizmên girtiyan re got, "Ez ji we re dibêjim ev ne nirxandineke dîplomatîk e."

Gallant diyar kir ku li Xezzeyê tiştekî ku em bikin nemaye û armancên sereke bi cih hatine û wiha got: "Ez ditirsim ku em tenê ji ber daxwaza wî li wir dimînin."