HDPê ji bo betalkirina nedana mazbatayan serî li YSKê da

PeyamaKurd – Partiya Demokratîk a Gelan (HDP) ji bo biryara nedana mazbatayên şaredarên serkeftî yên bi KHKê ji karê xwe yê berê hatine dûrxistin were betalkirin û mazbatayên wan bidin wan serî li Saziya Bilind a Hilbijartinan (YSSK) da.

HDPê di serlêdana xwe de diyar kir ku YSK derketiye derveyî qanûnan û biryara wê ya ku mazbatayên şaredarên HDPê didin namzedên duyemîn ên di hilbijartinê de ser neketine ne hiqûqî ye.

Di serlêdanê de hat destnîşankirin ku herwiha biryar dijî destûra bingehîn e û mafê hilbijêriyê û hilbijartinê yê mirovan ji holê radike.

HDPê diyar kir ku wan îtirazên xwe pêşkeşî YSKê kirine û dixwazin ew biryar were betalkirin û li gorî qanûn û destûrê bê tevgerîn.