Herêma Kurdistanê helwesta xwe ya bo guhertina destûra Iraqê eskere kir

PeyamaKurd - Serokatiya Herêma Kurdistanê, serokatiya hikûmeta Kurdistanê û serokatiya parlementoya Kurdistanê îro ji bo helwesta xwe ya li ser hemwarkirin û guhertina Destûra Iraqê eşkere bikin civiyan.

Serokê Herêma Kurdistanê Nêçîrvan Barzanî, Serokwezîrê Kurdistanê Mesrûr Barzanî û Seroka Parlementoya Kurdistanê Rêwas Fayîq û cîgirên wan li ser rewşa Iraqê û guhertina Destûra Iraqê civiyan.

Di civîna hersû serokatiyên Kurdistanê de biryar hat dayîn ku dema Destûra Iraqê were guhertin û hemwarkirin nabe destê xwe bidin wan made û bendên ku behsa mafên kurdan û Herêma Kurdistanê dikin.

Hat zanîn ku piştî civîna hersê serokatiyên Kurdistanê bi Serokomarê Iraqê Berhem Salih û nûnerên hikûmet û aliyên siyasî yên Iraqê re civiyan.

Tê çaverêkirin di wê civînê de jî aliyê herêma Kurdistanê helwesta xwe ji aliyê Iraqê re ragihîne.