Hêzên Hevpeymaniyê û HSDê, oprasyona hevbes li dar xist

PeyamaKurd- Li gorî agahiyên ji aliyê Rewangeha Sûrî ya Mafên Mirovan (SOHR) ve hatin ragihandin, Hevpeymaniya Navdewletî û Hêzên Suriyeya Demokratîk (HSD) li gundekî Dêrezorê di operasyoneke hevbeş a 'balafirê' de endamekî payebilind ê IŞÎDê dîl girtiye.

Di daxuyaniya hat dayîn de hat diyarkirin ku piştî nîvê şevê bi çekên sivik pevçûn rû dane û piştî êrîşa asîmanî ya li dijî taxa El-Attal a herêma Şuheyl a ku dikeve rojhilatê Dêra Zorê, li herêmê operasyona daketinê hatiye lidarxistin.

Li gorî daxuyaniya SOHRê, leşkeran havêtine ser mala endamekî rêxistina terorê IŞÎDê, ew binçav kiriye û piştre vekişiyane qada petrolê ya El-Omer a li rojhilatê Dêrezorê.

Her wiha hat tekezkirin ku ew kesê girtî pêştir hatibû girtin û bi navbeynkariya eşîran hatibû berdan û wekî yek ji girîngtirîn kesayetiyên IŞÎDê yê li Dêrezorê tê naskirin.