Ji Hevpeymaniyê û HSDê li Dêrazorê operasyona hevbes a DAISê

PeyamaKurd – Hat ragihandin ku di operasyoneke hevbeş a Hêzên Sûriya Demokratîk (HSD) û Hevpeymaniya Navdewletî ya Dijî DAIŞê de, li Dêrazorê çekdarekî DAIŞê hat kuştin û yek jî bi saxî hat girtin.

Navenda Ragihandinê ya Hêzên Sûriya Demokratîk (HSD) li ser operasyona hevpar a hêzên wan û hêzên Hevpeymaniyê ku doh li rojhilatê Dêrazorê pêk hatiye ragihand, operasyon li herêma El-Zur li dijî 2 çekdaran pêk hat ku ew çekdar çêkirina mayînan û xebatên leşkerkirina nava DAIŞê de dimeşandin û herwiha beşdarî êrîşên li dijî endamên hêzên HSDê yên leşkerî li gundewarên Dêrazorê bûne.

Di daxuyaniyê de hat gotin: “Hêzên me bi ser cihê her du çeteyan de girt, çeteyek hat girtin û çeteyê din jî reviya, piştre ji cihê ku lê xwe veşartibû gule li hêzên me reşandin. Di şer de ew çete hat kuştin. Hêzên taybet cih kontrol kir û çek û pêdiviyên li malên wan tevî belgeyên li gel wan, desteser kirin.”

Dawiyê jî hat diyarkirin ku xebatên HSDê yên ligel hevpeymaniyê dijî şaneyên terorîstên DAIŞê berdewam dikin.