Hilbijartinên Tirkiyê di çapemeniya Amerîkayê de: Serkeftina Kiliçdaroglu girêdayî Kurdan e

PeyamaKurd – Hilbijartinên li Tirkiyeyê yên ku derbasî 'tura duyemîn' bûn jî di rojeva çapemeniya Amerîkayê de bû.

Çapemeniya Amerîkayê hilbijartinên ku di 14ê Gulanê de hatibûn kirin û ji sedî 50î namzedek derneketibû tûra duyemîn dişopand.

Li gor daneyên ajansa Ankayê Serokomar Recep Tayyîp Erdogan ji sedî 49,25, Serokê Giştî yê Partiya Komarî ya Gel Kemal Kiliçdaroglu ji sedî 45,06 û Sînan Oganê namzedê serokomariyê yê Tifaqa ATAyê jî ji sedî 5,28 dengan stendin.

CNN: Rapirsîn têk çûn

CNN ku yek ji medyaya sereke ya wî welatî ye, nivîsî: "Opozîsyona Tirkiyê di tûra duyem de bi Erdogan re rûbirûyê şerekî dijwar dibe."

Di raporê de bal hat kişandin ser vê yekê ku di encama rapirsînan de nekarîn encamên rapirsînan pêşbînî bikin û wiha hat gotin: "Piraniya rapirsînên ku li Tirkiyeyê hatin kirin, dihat pêşbînîkirin ku Kiliçdaroglu namzedê sereke yê muxalefetê bi ferqeke kêm li pêş bû. Lê di dawiyê de berovajî vê yekê derket. Erdogan. li hember hevrikê xwe yê sereke 5 puan avantaj bi dest xist."

Di nûçeyê de ku bal hat kişandin ser rola Ogan a "padîşah" hat destnîşankirin ku siyasetmedarê 55 salî ji wan xwestiye ku polîtîkayên xwe yên li hemberî namzetên piştgiriyê, penaberan û Kurdan xurt bikin.

WP: Dibe ku tifaq hilweşe, serkeftina Kiliçdaroglu girêdayî Kurdan e

Di analîza ku di rojnameya Washington Post (WP) ya yek ji rojnameyên bi prestîj ên welêt de hat weşandin de hat gotin, "Weke Serokwezîrê Îsraîlê Benjamin Netanyahu, salên desthilatdariya Erdogan jî têgihîştineke kûr da wî ku çawa avantaja xwe di nav hilbijêran de xurt bike û hêz û bandora xwe ya mezin ji bo vê yekê bikar bîne."

Herwiha hat gotin ku Tifaqa Netewî ya ku ji nêrînên cuda yên siyasî pêk tê û di bin serokatiya Kiliçdarogluyê 74 salî de hatiye cem hev, "dibe ku heta demeke dirêj li hember têkçûnê nekare hevgirtina xwe biparêze."

Di raporê de herwiha hatiye gotin: Encamên hilbijartinê zêdebûna hestên netewî nîşan dide. Hem Kiliçdaroglu û hem jî Erdogan dikarin îdiaya vê hilbijartinê bikin, lê serkeftina Kiliçdaroglu bi dengên Kurdan ve girêdayî ye. Bêyî wan nikarin bi ser bikevin. Lê tevî wan jî, gelek hilbijêrên neteweperest wê piştgirîya wî nekin.

NYT: Erdhejê bi awayekî neçaverêkirî destê Erdogan xurt kir

Ji aliyê din ve rojnama New York Times amaje bi wê yekê kir, ku Erdogan tevî girtina tûra yekem tevî gelek dijwariyan, ji sedî 50 dengan bi dest nexist, ev yek nîşan dide ku hin hilbijêr ji rêveberiya wî ya aborî û komkirina hêza wî di destên wî de westiyane."

Herwiha hat texmînkirin ku erdhejên 6ê Sibatê bi awayekî neçaverêkirî destê Erdogan xurtir kir û Serokomar bi projeya xwe ya înşaata bilez hilbijêr kişandin ser milê xwe.