Hûsî: DYA û Îngilîstanê êrîsî bajarê Hudeyde kirin

PeyamaKurd – Hûsiyên Yemenê yên ku Îran piştgiriya wan dike ragihand ku balafirên koalîsyonê yên DYA û Îngilîstanê êrîşî bajarê Hudeyda yê li rojavayê welêt kirin.

Di nûçeya televizyona "El-Mesira" ya girêdayî Hûsiyan de hat ragihandin ku DYA û Îngilîstanê herêma Salîf a bajarê Hudeydeyê li rojavayê welêt kirine hedef.

Derbarê ziyanên bomberdûmanê de ti agahî nehatin bidestxistin, ji aliyê DYA û Îngilîstanê ve jî derbarê êrîşan de ti daxuyanî nehat dayîn.

Bajarê peravê Hudeyda ku di bin kontrola Hûsiyan de ye, ji ber ku mazûvaniya balafirgeheke navneteweyî û 3 benderan e, yek ji girîngtirîn bajarên Yemenê tê dîtin.