ÎHRê bîlançoya xwepêsandanên Rojhilat û Îranê parve kir!

PeyamaKurd – Rêxistina Mafên Mirovan a Îranê (ÎHR) ku navenda wê li Norwêcê ye, bîlançoya xwepêşandanên li Îran û Rojhilat eşkere kir.

Li gorî ÎHRê hejmara kesên di xwepêşandanan de mirin derket 476an. Di raporê de hat diyarkirin, ji xwepêşanderan 34 jin û 64 jî ji 18 salî biçûktir in.

Li gorî vê raporê, herî zêde hejmara qurbaniyan li parêzgeha Sîstan-Belûçistanê ye ku Sunî û Kurd lê kom bûne.

Muhsîn Şikarî yê ku cezayê îdamê lê hatibû birîn, 75 roj şûnde di 8ê Kanûnê de û Mecîdrîza Rahneverd jî piştî 23 rojan di 12ê Kanûnê de hatibûn înfazkirin.

Di raporê de hat bibîrxistin, herî kêm 100 kes di bin metirsiya cezayê darvekirinê, hepsê û îdamê de ne û jixwe yên ku cezayê darvekirinê lê hatiye birîn jî hene.