Îranê, gefa êrîsa mosekî li wî welatî xwar!

PeyamaKurd- Berdevkê Wezareta Parastinê ya Îranê Riza Talayî Nîk, piştî aloziya navbera welatê xwe û Îsraîlê daxuyanî da û gefa êrîşa moşekî li Îsraîlê xwar.

Reza Talae Nîk ragihand ku Îsraîl gefeke leşkerî li ser Îranê dixwe û hêza welatê wî heye ku Îsraîlê bike armanc û di daxuyaniyê de wiha got:

"Divê em pergala xwe ya leşkerî li gorî metirsiyên heyî bi ser û ber bikin. Rejîma Siyonîst a Îsraîl jî yek ji van gefan e. Îro em li Rojhilata Navîn, di warê berevaniyê de bûne welatekî girîng.

Bêyî Îranê tu planek tuneye. Em îro bi eşkereyî radigihînin ku dagirkeriya rasterast "Mûzeyên me yên bi navê 'Îsraîl xist' hene ku dê axa bin Îsraîl bike hedef û rasterast li Îsraîlê bixin.

Talae Nîk destnîşan kir ku ew ê destûrê nedin guhertina sînoran li herêmê û wiha got: "Yên ku dixwestin li ser sînorên me guhertinên jeopolîtîk pêk bînin hebûn, lê nekarîn û dê tu carî jî vê yekê nekin. Em bi awayekî vekirî van bi bingehek diyar dikin. Ev bingeh û hêz girêdayî parastina gel û hêza neteweyî ye. "

Ji aliyê din ve serokwezîrê Îsraîlê Benjamin Netanyahu di axaftina xwe ya li Civata Giştî ya Neteweyên Yekbûyî de got, “Divê gefeke qaneh li dijî armancên nukleerî yên Îranê bê kirin. Heta ku ez serokwezîrê Îsraîlê bim, ez ê karê xwe bikim. Ya herî baş ew e ku Îran negihêje çekên atomî.”