'Iraq dixwaze komên çekdar çekên xwe deynin'

PeyamaKurd – Wezîrê Derve yê Iraqê Fûad Husên diyar kir ku Iraq piştî desteserkirina Trump dixwaze bi Amerîkayê re têkiliyên baş çêbike.

Wezîr Huseyîn ji çapemeniyê re got ku Iraq hewl dide komên çekdar razî bike ku çekên xwe deynin piştî ku Trump wekî Serokê Dewletên Yekbûyî yên Amerîkayê dest bi kar bike.

Huseyîn wiha got: “Salên berê di civaka me de ne mimkûn bû ku li ser çekên komê nîqaş bên kirin, lê niha nayê qebûlkirin ku li derveyî dewletê komên çekdar hebin.

Huseyîn di berdewamiya axaftina xwe de wiha got: "Niha gelek lîder û partiyên siyasî li ser vê mijarê diaxivin. Em hêvî dikin ku serokên van koman dev ji çekan berdin û bibin beşek ji desthilatdariya dewletê."

"Em ji DAIŞê nîgeran in, ji ber vê yekê em bi aliyên Sûriyeyê re di têkiliyê de ne. Di dawiyê de ji bo Sûriye aram bibe, pêwîst e nûnerên hemû civakan beşdarî pêvajoya siyasî bibin."