Îsraîlê depoya çekên Hizbullahê teqand

PeyamaKurd – Hate ragihandin ku artêşa Îsraîlê li başûrê Lubnanê depoya cebilxaneyê ya Hizbullahê bombebaran kir û teqînên mezin di encamê de çêbûn.

Hate diyarkirin ku di encama teqînan de perçeyên cebilxaneyan li derdora gundên derdorê belav bûye û li bajarokê Burc Rahalê jî parçeyek ketiye.

Li gorî medyaya Lubnanê, Îsraîlê doh di bombebarana bajarokê Kefer Kila yê li başûrê Lubnanê de ‘depoyeke cebilxaneyê’ armanc kiriye û 3 kes jî bi sivikî birîndar bûne.

Sê çavkaniyên ewlehiyê yên ji Reutersê re axivîne gotine ku depoya çekan a Hizbullahê ye.

Bombebarana ku 30 kîlometre dûrî sînorê Îsraîlê pêk hatiye, piştî ku Hizbullah û hevalbendê wê yê Filistînî Hamasê ragihandin ku bi roketan li çeperên Îsraîlê xistine, pêk hatiye.