Îsraîl guhertina dîlan qebûl kiriye lê li benda bersiva Hamasê ne

PeyamaKurd – Li gor hjevdîtinên niha yên di navbera Îsraîlê û Hamasê de ku hinek dewlet û dezgeyên din navbeynkariya wan dikin, ji bo agirbesa 4 mehan û guherîna dîlên navbera her dû terefan, Îsraîlê qebûl kiriye lê heya niha Hamasê bersiv nedaye û li benda bersiva Hamasê ne.

Eger lihevkirin bibe wê Hamas temamê esîrên Îsraîlê serbest berde û Îsraîl di nav 4 mehan de ast bi ast agirbesê bike.

Li gor ragihandina malpera nûçeyan ya "Sky News Arabia"; li Parîsê do rêvebirên Îsraîl, Amerîka, Qatar û Misrê li ser guherandina esîran hevdîtin kirin.

Hat gotin ku pêşniyarên navbeynkaran ji terefê Îsraîlê de hatiye qebûlkirin. Îro pêşniyaran ji Hamasê re şandine û li benda bersiva Hamasê ne.

Îsraîl û Hamas heya niha di mijarê de axaftin nekirine lê li ser mijarê serokê CIAyê William Bill Burns, serokê Mossadê David Barnea, serokwezîr û hem wezîrê karên derve yê Qatarê Muhammed bin Abdurrahman Al Sani, serokê îstîxbarata Misrê Abbas Kamil duhî li Parîsê ji bo navbeynkariya her du terefan civiyabûn.