Îsraîlê li beramber 8 dîlên îsraîlî û Taylandî 110 girtiyên filîstînî berdan

PeyamaKurd – Hate ragihandin ku Îsraîlê îro 30yê Çile di çarçoveya qonaxa sêyem a agirbesta Xezeyê de, 110 girtiyên Filîstînî yên li girtîgeha Oferê serbest berdan.

Hemasê jî îro 3 revandiyên Îsraîlî û 5 jî dîlên Taylandî di çarçoveya agirbestê de berdan.

Herdu aliyan jî dîl û girtiyên hatine berdan radestî Xaça Sor a Navdewletî kirin ku yek ji dîlên destê Hemasê de leşkereke jin a Îsraîlî bû.

Hêjayî gotinê ye, medyayên Filîstînê piştî berdana 8 dîlên Îsraîlê ji aliyê Hemasê ve, nûçeyên ku Îsraîlê serbest berdana 110 girtiyên filîstînî paşde gav avêtiye belav kiribûn.