Ji Amerîka daxuyaniya endamtiya NATO ya Swêdê…

PeyamaKurd – Di demeke ku hîn Tirkiye û Macaristanê endamtiya NATO ya Swêdê pesend nekiriye de, rêveberiya Washingtonê derbarê mijarê da daxuyaniyeke nivîskî belav kir.

Di daxuyaniyê de hate ragihandin ku Swêd şirîkê berevaniyê yê NATOyê ye û bi beşdariya Swêdê wê hevpeymana NATO hîn xurtir bibe.

Herwiha Wezareta Derve ya Amerîkayê ragihand ku wan bi Swêdê re peymana hevkariya parastinê hatiye îmze kiriye.

Di daxuyaniyê de hate gotin: “Ev peyman dê rê bide her du welatan ku hevkariyên xwe yên ewlehiyê yên nêzîk berfireh bikin, di operasyonên ewlehiyê yên piralî de hevkariyê zêde bikin û bi hev re ewlehiya transatlantîk xurt bikin.”

Wezareta Derve ya Amerîka diyar kir, “Endamtiya Swêdê dê parastina me ya kolektîf xurt bike û çareserkirina pirsgirêkên ewlehiyê yên li herêma Ewropa-Atlantîk zêde bike.”

Hêjayî gotinê ye, Tirkiyê û Macaristanê hêj endamtiya NATO ya Swêdê li parlamentoyên xwe pesend nekirine. Tirkiyê meha Nîsanê endamtiya Finlandiyayê pejirandibû lê ya Swêdê hîn li parlamentoyê neçûye ber dengdanê.