Ji Bexda û Hewlêrê daxuyaniya hevbes a projeyasaya petrol û gazê: Du pêsniyar hatin kirin

PeyamaKurd - Serokê Dîwana Encûmena Wezîran a Herêma Kurdistanê Umêd Sebah ku endamê şanda Herêma Kurdistanê ya danûstandinên ligel Bexdayê ye, encamên civîna dawî ya ligel şanda hikûmeta Iraqê eşkere kir.

Umêd Sebah ragihand: “Roja şemiyê 05.08.2023ê wek şandeke Hikûmeta Herêma Kurdistanê wan li ser projeyasaya neft û gazê serdana Bexdayê kir û ligel aliyên pêwendîdar ên Hikûmeta Federal a Iraqê civînek pêk anî.”

Sebah got: “Di encama civînê de me daxuyaniyeke hevbeş belav kir: Li ser bingeha pakêta reformên yasayî yên ku di bernameya hikûmetê de hatiye pêşkêşkirin, bi taybetî ya ku di xala 23ê de hatiye behskirin derbarê amadekirina yasaya neft û gazê û li ser fermana Serokwezîr Mihemed Şiya Sûdanî ji bo bilezkirina vê projeyê û li ser binemaya beşdarîkirina hemû aliyên pêwendîdar di vê projeya niştimanî de.”

Umêd Sebah da zanîn: “Civîn roja 5/8/2023 bi amadebûna her du cîgirên serokwezîr (Wezîrê Derve – Wezîrê Petrolê), şanda Hikûmeta Herêma Kurdistanê, parêzgarên parêzgehên berhemhênerên petrolê, şêwirmendên serokwezîr û karmendên wezareta petrolê birêve çû. Pêwîst e. Di civînê de behsa giringî û armancên vê yasayê û pêwîstiya temamkirina wê di zûtirîn dem de hate temamkirin. Atmosfera civînê erênî bû û rengvedana berjewendî û daxwaza hemû aliyan ji bo temamkirina projeyê nîşan da.”

Di civînê de ev pêşniyar hatine gotûbêj kirin:

- Pêkanîna komîteyan ji bo şopandina vê mijarê û rêkxistina civînên din.

- Li gorî nêrîna wezareta hikûmeta Herêma Kurdistanê û parêzgehên berhemhêner dê kaxezek kar bi rêya komîteyan were pêşkêş kirin. Di çarçoveya nîqaşên di civînê de hatin kirin û nîqaşên berê yên ku dê bi rêya van komîteyên dê reşnivîsa dawî ya yasaya neft û gazê were lêkolînkirin û amadekirin.