Ji Pêsmergeyên Kurdistanê li Çiyayê Qerçoxê operasyona DAISê

PeyamaKurd – Hat ragihandin ku hêzên Pêşmergeyên Kurdistanê li quntara Çiyayê Qereçoxê, operasyoneke lêgerîna baregeh û stargehên rêxistina terorîst DAIŞê li dar xist.

Wezareta Pêşmerge îro 29ê Kanûnê bi daxuyaniyekê ragihand, “Roja 28/12/2022an, Lîwaya 14 a Piyade ya Wezareta Pêşmerge bi alîkarî û piştevaniya beşa segvanî a Wezareta Pêşmerge ya bi navê (K9) operasyoneke lêgerînê li quntara Çiyayê Qereçoxê bi serkeftî encam da.”

Di daxuyaniyê de hat diyarkirin ku di vê operasyonê de lîwaya 14 a Piyade li gundên Gawir, Kendal, Girdeşîn, Melk Axa û Kepenereş ên li quntara Çiyayê Qereçoxê geriyan.

Wezareta Pêşmerge destnîşan kir, armanca operasyonê jinavbirina baregeh û stargehên terorîstan û dabînkirina aramî û ewlehiyê li wan gundan bû ku guman hebû paşmayên çekdarên DAIŞê li wan deveran hene.