Kazimî: Bi temambûna erka ser re hemû hêzên biyanî ji Iraqê hatin vekisandin

PeyamaKurd - Serokwezîrê Iraqê Mistefa Kazimî derbarê vekişîna hêzên Amerîka û Hevpeymaniyê li Iraqê de got, erkê hêzên şerker ên Hevpeymaniya Navdewletî ya li dijî DAIŞê li Iraqê bi dawî bûye.

Mistefa Kazimî li ser hesabê xwe yê Twitterê got: “Bi temambûna erkên şer ên Hevpeymaniyê, hemû hêz û alav û kelûpelên şer ji Iraqê hatiye vekişandin û ji bo derveyî welat hatine veguhestin.”

Kazimî destnîşan kir: “Rola Hevpeymaniyê, dibe şêwir û piştevanî û ev jî li gor encamên gotûbêja stratejîk a navbera Iraq û Amerîkayê hatiye holê.”

Serokwezîrê Iraqê spasiya Hevpeymaniya Navdewletî ya dijî DAIŞê û cîranên Iraqê jî kir ku piştevaniya wan a ji bo Iraqê di şerê dijî DAIŞê de çêbûye û amadebûna hêzên Iraqê ji bo parastina gelên Iraqê anî ziman.