Kolombiyayê, têkiliyên xwe yên bi Îsraîlê re rawestandin!

PeyamaKurd- Serokê Dewletê Kolombiyayê Petro ragihand ku wan têkiliyên derve yên bi Îsraîlê re hemû rawestandin.

Serokê Kolombiyayê Gustavo Petro, piştî biryara Îsraîlê ya rawestandina hinartina alavên ewlehiyê yên ji bo Kolombiyayê, biryar da ku têkiliyên derve yên bi Îsraîlê re rawestîne.

Petro, li ser hesabê xwe yê medyaya civakî daxuyanî da û bertek nîşanî biryara Îsraîlê ya rawestandina hinardekirina alavên ewlehiyê da û got ku

"Heger hewce bike ku em têkiliyên derve yên bi Îsraîlê re bidin rawestandin, em ê rawestînin. Em piştgiriyê nadin jenosîdê. Divê heqaret li Serokomarê Kolombiyayê neyê kirin. Ez Amerîkaya Latîn vedixwînim ku bi Kolombiyayê re piştgiriya rast nîşan bide. Wekî di şerê Chacoyê Mezin de kombûna dîrokî dê gotina dawî bibêje. Ne Yair Klein û ne jî Raifal Eithan dê nikaribe bibêje dîroka aştiya Kolombiyayê çi ye. Li Kolombiyayê dest bi komkujî û qirkirinê kirin. Ez ji gelê Îsraîlê daxwaz dikim ku ji bo gelê Filistînê daxwaza aştiyê bikin.

Çawa ku Bolivar û Narino fêrî me kirin, Kolombiya miletekî serwer, serbixwe û dadperwer e. Rojek artêş û hikûmeta îsraîlî ji bo destpêkirina jenosîda ku zilamên wan dane destpêkirin dê efûyê ji me bixwazin. Ez ê wan hembêz bikim û ew ê ji bo qetlîama Auschwitz û Xezayê bigirîn.”