Komisyona Mafê Mirovan a Iraqê li ser bûyerên doh daxuyanî da: 3 kustî, 21 birîndar...

PeyamaKurd - Komîsyona Mafê Mirovan li Iraqê ragihand ku di bûyerên doh 27ê Tîrmehê yên li qada Tehrîr a Bexdayê de 3 xwepêşander hatine kuştin û 21 kes jî birîndar bûne.

Komîsyonê da xuyakirin, di encama pevçûnên doh ên navbera hêzên ewlehiya Iraqê û xwepêşanderên Bexdayê de, 3 xwepêşander hatine kuştin û 21 kes jî birîndar bûne, ku jiyana hin ji birîndaran di metirsiyê de ye û gule û saçme hatine bikaranîn.

Komîsyona Mafê Mirovan a Iraqê bikaranîna tundiyê û astengkirina azadiya xwepêşandanên aştîyane şermezar kir û çend daxwazên ji hikûmeta Iraqê kirin:

- Bilez ragihandina encamên lêkolînê û pêşkeşkirina tewanbaran û yên ku ferman dabûne wan ji dadgehê re bên dayîn.

- Hêzên ewlehiya Iraqê nabe tundiyê dijî xwepêşanderên aştîxwaziyê bikar bînin û ew kar wek binpê kirina eşkere ya pîvanên mafê mirov û Netewên Yekbûyî û yasayên navdewletî bên nasîn.

- Daxwaz ji xwepêşander û hêzên ewlehiyê tê kirin hemû hewldanê bikin û xwe li berçav derbas bikin û ji her pevçûnekê dûr bikevin.