Li bajarê Hesekê yê Rojavayê Kurdistanê îro 2 teqîn çêbûn

 PeyamaKurd – Mayina ku çekdarekî li rojavayê Hesekê diçand, pê de teqiya û hat kuştin. Herwiha Hêzên Ewlekariya Hundirîn, motorsîklêtekî bombebarkirî bêbandor kirin.

Li bajarê Hesekê yê Rojavayê Kurdistanê, îro 2 teqîn çêbûn.

Li gor zanyariyan, di teqîna yekemîn de, çekdarekî mayin li gundê Hawze yê li ser rêya Çiyayê Kezwana diçand û ew mayin pê de teqiya. Di encamê teqînê de, ew çekdar hat kuştin.

Di teqîna duyemîn de jî, Hêzên Ewlekariya Hundirîn motorsîklêtek yê heman çekdarî ku berê bombebarkirîbû, bêbandor kirin.