Li Bakurê Kurdistanê rêyên bi sedan gundan ji ber berfê hatin girtin

PeyamaKurd – Ji ber pêla nû ya berfbarînê ku du roj in berdewam dike, li çend bajarên Bakurê Kurdistanê rêyên bi sedan gundewaran hatin girtin û di çûnûhatinê de astengî li ber welatiyan çêbûn.

Li gorî zanyarîyên dawî bajarên Wan, Colemêrg, Mûş û Bedlîsê yên Bakurê Kurdistanê, ji ber berfbarînê û rewşa xirab a hewayê bi giştî rêyên 1044 gund û cihên niştecihbûnê hatine girtin.

Şaredariya Bajarê Mezin a Wanê ragihandiye ku li bajêr ji ber berf û pûkê rêya 308 gundan hatiye girtin ku niha ji bo vekirina wan rêşan xebat didomin.

Îdareya Taybet a Bajarê Colemêrgê diyar kiriye ku li tevahiya parêzgehê rêya 106 gund û gundikan hatine girtin û ji bo vekirina wan rêşan xebat tê kirin.

Îdareya Taybet a Mûşê jî ragihandiye ku li bajêr rêya 316 gundan ji ber berfê hatiye girtin û bi 59 makîneyên kar û 85 personelan xebata vekirina rêyan berdewam e.

Li bajarê Bedlîsê jî rêya 260 gundan ji ber berf û rewşa xirab a hewayê hatiye girtin li wir jî bi maşîneyên kar xebatên vekirina rêyan didomin.