Li basûrê Kerkûkê 7 xalên terorîstên DAISê hatin rûxandin

PeyamaKurd – Alîkarê Fermandariya Operasyona Hevbeş a Kerkûkê Ferîq Elî Frêhî ragihand, li navçeya Geliyê Alşay a li başûrê Kerkûkê, 7 xalên terorîstên DAIŞê hatin rûxandin.

Alîkarê Fermandariya Operasyona Hevbeş a Kerkûkê Ferîq Elî Frêhî li ser operasyonê diyar kir: “Hêzên Iraqê di encama operasyonekê li Geliyê Alşay a başûrê Kerkûkê de, 7 xalên çekdaran rûxandin û hejmarek çek û teqemenî jî bi dest xistin.”

Frêhî eşkere kir, di nava van amûrên leşkerî de, hawan, çek, doşka, mayîn, 5 guleyên topan hene, rêjeyek ji van amûran desteserkirine û rêjeyek jî tunekirine.

Herwiha Alîkarê Fermandariya Operasyona Hevbeş a Kerkûkê Ferîq Elî Frêhî, di derbarê hejmara çekdarên hatine kuştin û girtin de tu agahî parve nekir.