Li Colemêrgê 4 ‘herêmên ewlehiyê’ hatin ragihandin

PeyamaKurd – Li bajarê Colemêrgê yê Bakurê Kurdistanê, li 4 herêmên cuda ji bo 4 rojan “herêma ewlehî ya taybet a demkî” hatin ragihandin.

Parêzgariya Colemêrgê ragihand, bi armanca “ewlehiya neteweyî, rêkxistina raya giştî û dabînkirina aramiyê, rêgirîkirina tawanan û parastina maf û azadiyên kesên din” li navenda Colemêrgê Girê Kuş, Girê Hirç, Girê Memê û quntarên Koç ji 12ê Tebaxa 2024an demjimêr 09:30 heta 15ê Tebaxa 2024an demjimêr 09:30an wekî “herêma ewlehiyê ya taybet a demkî” hatiye ragihandin.

Parêzgariryê ji xelkê deverê jî xwest ku ji bo ewlehiya can û malên xwe bê destûr neçin wan herêman.