Li Germiyanê teqîna gazê: Zarokek mir, 5 kes jî birîndar bûn

PeyamaKurd - Li sînorê Rêveberiya Germiyan a Silêmaniyê, ji ber teqîna sîstema gazê zarokekê can da û 5 kesên din jî birîndar bûn.

Berdevkê polîsê Germiyanê Muqedem Elî Cemal Qedûrî eşkere kir, îro sibehê 22yê Kanûnê, li gundê Mehmûqecerî yê nehiyeya Quretûyê ji ber teqîna sîstema gazê 6 birîndar ji bo nexwaşxaneya Şehîd Hejar a Kelar hatine veguhestin.

Qedûrî got ku zarokeke 10 salî ya bi navê Arş Ehmed Hesen ji ber giranbûna birînên şewatê jiyana xwe ji dest daye.

Bav û biraye û 2 xwîşkên Arş Ehmed jî birîndar bûni û niha li nexweşxaneyê têne dermankirin.

Hate diyarkirin ku cenazeyê kesê mirî ji bo bijîşkiya dadwerî hatiye şandin û li cihê bûyerê lêkolîna polîsan dewam dike.