Li Hindistanê di pevçûna navbera Kuki û Meitei de 8 kes hatin kustin

PeyamaKurd – Li Hindistanê li eyaleta Manipurê di navbera Kuki û Meiteiyan de şer derket û di encamê de 8 kes mirin û 18 kes birîndar bûn. Hat ragihandin ku berê li Manipurê tiştekî weha neqewimiye û danûsitendin tekane rêya çareseriyê ye.

Li gor ragihandina Hindustan Timesê; li eyaleta Manipurê li deverên Bishnupur û Churachandpurê di nav 72 seetên dawiyê de di navbera etnîsiteyên Kuki û Meitei de şerê çekdarî derket. Rêvebirê hêza paramîlîter yê Assam Rifles PC Nair, got ku di bûyeran de 8 kes mirine û 2 ji wan polîs 18 kes birîndar bûne. Nair weha got:

“Heya niha tişteka weha nebûye. Ji bo me nû ye û ji bo Manipuriyan jî. Tişteka weha di sala 1990an de di navbera Naga û Kukiyan de çêbû. Zahmetiya herî mezin di nav her dû terefan de çek zêde hene. Tekane rê muzakere ye.”