Li Îsraîlê kesek bi îdiaya “sîxurtî” li ser navê Îranê kiriye hat desteserkirin

PeyamaKurd – Hat diyarkirin ku li Îsraîlê kesek bi îdiaya “sîxurtî” li ser navê Îranê kiriye hatiye desteserkirin.

Di daxuyaniya hevpar a ku ji aliyê polîsên Îsraîlê û yekîneya îstîxbarata navxweyî Şîn-Bet (Şabak) ve hat dayîn de hat destnîşankirin ku "Alexander Granovsky (29) li bajarê Petah Tikvayê bi hinceta ku li ser navê aliyên biyanî hin sûcên ewlehiyê kiriye hat desteserkirin."

Hat destnîşankirin ku sûcên li hemberî gumanbar şewitandina wesayîtên di berdêla pereyan de, kişandina wêneyan a tesîsên taybet, stratejîk û gihandina agahiyên der barê rayedarên Îsraîlê de ye.

Îsraîlî li seranserê welêt di gelek caran de 8 wesayît şewitandin; Hat îdiakirin ku wî slogan nivîsandiye, wêneyên hin tesîsên binesaziyê kişandiye û wêneyê têketina parlementerê berê û Wezîrê Parastinê yê berê Benny Gantz kişandiye.

Komkirin û şandina agahiyan li ser navnîşanên rûniştina wezîrên di hikûmetê de; Gumanbarê ku gotibû ji wî hatiye xwestin ku wesayîta polêsan, otobus û kamyonê bişewitîne lê wî ev wezîfe red kir û wiha hat îdiakirin ku "Di lêpirsînê de derket holê ku hin erkên weke vekirina xaniyan red kir, lê karên din ên ku ji bo ewlekariya dewletê xeternak e pêk anîn."

Li aliyê din di nûçeya Radyoya Artêşa Îsraîlê de hat gotin ku gotina "aliyên biyanî" behsa Îranê dike. Di nûçeya navborî de ti agahiyên din nehatin dayîn.