Li Otelê teqîn çêbû: 3 kustî, 7 birîndar…

PeyamaKurd – Hate ragihandin ku li başûrê rojhilatê Afganistanê di otelekê de teqîn çêbûye û di encamê de bi kêmanî 3 kes hatin kuştin û 7 kes jî birîndar bûne.

Li gorî ragihandina Reutersê, li başûrê rojhilatê Afganistanê di otelekê de teqînek çêbû. Hate diyarkirin ku di encama teqînê de herî kêm 3 kes hatin kuştin û 7 kesên din jî birîndar bûn.

Hêjayî gotinê ye, berî 2 hefteyan jî dema merasîma cenazeyê cîgirê weliyekî herêmeke tevgera Talîbanê de, li bakurê Afganistanê teqînek di mizgefekê de çêbûbû û herî kêm 11 kesan di wê êrîşê de can dabû.

Beriya niha hin teqînên li Afganistanê yên dijî rêveberiya Talibanê rêxistina DAIŞê li xwe girtibûn.