Li Selahadînê hejmarek stargehên DAISê hatin bombe kirin û jinav birin

PeyamaKurd - Hate ragihandin ku di encama êrîşa asmanî ya F-16ê Iraqê de, li parêzgeha Selahadîn stargehên rêxistina terorîst DAIŞê hatin bombebarankirin û jinavbirin.

Fermandariya Operasyonên Hevbeş a Iraqê da xuyakirin, balafirên F-16 yên Iraqê, mefrezeyeke çekdarên DAIŞê li navçeya Eys a ser bi parêzgeha Selahedîn hedef girt û di encamê de sê çekdarên DAIŞê hatin kuştin.

Di daxuyaniyê de hatiye gotin, her di çarçoveya wê operasyonê de çar stargeh û hejmarek tunel û pêgehên din ên DAIŞê yên li navçeyê hatine  jinavbirin.

Deverên ku operasyon lê hatiye kirin, ji aliyê erdnîgariyê ve dijwar e û hêzên ewlehiyê jî ji bo jinavbirina yekcarî ya DAIŞê li wan herêman hewldanên xwe didomînin.