Li ser sînorê Herêma Rojhilatê Kurdistanê erdhej çêbû

PeyamaKurd – Erdheja ku li Kirmaşanê ya ser bi parêzgeha Rojhilatê ya sînorî pêk hat, li Herêma Kurdistanê jî hat hîskirin.

Şeva borî saet derdora 23.58an de li herêma Germiyan a Herêma Kurdistanê bi pileya 4.5 erdhejek pêk hat.

Li gor zanyariyan, navenda erdhejê Serpele Zehaw a girêdayî parêzgeha Kirmaşanê ya Rojhilatê ye û erdhej bi hêza 4,6 û 10 km di bin erdê de çêbûye.

Malpera Elmanî Volcano Discovery ragihand ku erdhej bi pileya 4,5 li gor pîvana Richterê bûye.

Li gorî nêzîkbûna navenda erdhejê, erdhej herî zêde li Kelar a navenda Rêveberiya Germiyan hatiye hîskirin. Li gorî zanyariyan, erdhej li Kerkûk, Çemçemal, Koye û gelek deverên Herêma Kurdistanê hatiye hîskirin.

Ji aliyê Îranê û rayedarên Herêma Kurdistanê ve derbarê wê erdhejê de ti daxuyanî nehat dayîn.