Rojhilatê Herêma Kurdistanê gelek caran hejiya

PeyamaKurd – Îro danê sibê li sînorê Germiyan zincîre erdhej çêbûn. Hêza herî xurt bi pileya 4,8 hat tomarkirin.

Pisporê hewanasî û erdhejê Muhammed Kemal ragihand ku li herêma li ser sînorê Rêveberiya Germiyan û Rojhilatê ya Herêma Kurdistanê bi giştî 5 erdhej çêbûne.

5 erdhej hatin tomarkirin

Erdheja ewil di saet 03:14an de pêk hat û bi mezinahiya 3,4 li gor pîvana Richterê 15 kîlometro di bin erdê de çêbû. Navenda erdhejê navçeyeke nêzîkî gundê Qoratû yê rojhilatê Germiyanê bû.

Erdheja duyemîn jî di saet 04:02an de 10 kîlometre di bin erdê de pêk hat û bi pileya Rîxterê 4,8 bû. Hate ragihandin ku navenda erdhejê li nêzî Geliyê Begzade yê di navbera sînorên Qesrî Şîrîn û Parvîzksan de li ser sînorê Rojhilatê li rojhilatê Herêma Kurdistanê ye. Ev erdheja herî xurt bû ku heta niha hatiye tomarkirin.

Muhammed Kemal diyar kir ku erdheja sêyemîn erdhejeke berdewam bû. Erdhej di saet 04:11an de di kûrahiya 13 kîlometreyan de û bi pileya 3 pêk hat. Navenda erdhejê li herêma navbera gundên Qoratû û Sengerê bû.

Erdheja çarem saet di 04:13an de bi kûrahiya 9 kîlometro û bi pileya 2.8 li gundê Qoratuyê hat hîskirin.

Erdheja pêncem di saet 05:07an de 12 kîlometro di bin erdê de û bi pileya 3,1 pêk hat. Navenda erdhejê di navbera gundên Seyîd Kawen û Qoratû de bû.

Heman rojê saet 06:53an de jî erdhejek din bi pileya 3.1 li bakurê rojavayê Helebceyê pêk hat.

AFAD: Erdhej bi lerza 4,9an pêk hat

Serokatiya Rêvebiriya Rewşa Afet û Lezgîn (AFAD) a Wezareta Karên Navxweyî ragihand ku erdheja ku di saet 04.02an de pêk hat bi lerza 4,9an û navenda wê Xaneqîn e.

Berdevkê Dezgeha Lêkolînên Keşnasî û Erdhejê ya Iraqê Amir Cabirî di daxuyaniyekê de got: "Kûrahiya erdhejê 5 kîlometran bûye û ti ziyanên canî û madî çênebûne. Hin rûniştvanên wê deverê jî hest bi erdhejê nekirine."

Li gorî daneyên Rêxistina Lêkolînên Meteorolojî û Erdhejê ya Iraqê, di sala 2024an de li Iraq û Herêma Kurdistanê bi giştî 231 erdhej çêbûne.