Li Serê Kaniyê 3 kes ji aliye komên çekdar ên bi ser Tirkiyê ve hatin revandin

PeyamaKurd - Li gundekî Serê Kaniyê, komên çekdar ên bi ser artêşa Tirkiyê ve, 3 kes bi tohmeta pêwendiya wan bi HSDê re heye, revandin.

Li gor Rewangeha Sûrî ya Mafên Mirovan belav kir, komeke çekdar 3 kes ji gundê Hecac ê Serê Kaniyê, bi tohmeta “pêwendiya wan bi HSDê re heye” revandin û ber bi cihekî ne diyar ve birin.

Ji destpêka dagîrkirina Serê Kaniyê ve, ji aliyê artêşa Tirkiyê û komên çekdar, gelek welatî hatine revandin û eşkencekirin.

Herwiha li gor zanyariyên Rewangehê, berî çend rojan kesekî di girtîgeha koma El Hemzat de, bi eşkenceyê hat kuştin.