Li Stenbolê baraneke zêde bariya: Seferên wapur û tramwayan betal bûn

PeyamaKurd- Îro şemiyê (17.08.2019)  li seranserê Stenbolê baraneke zêde bariya û ji ber barana zêde li Stenbolê seferên wapur û tramvayan hatin betalkirin.

Herî zêde li navçeyên Avcilar, Sefakoy, Bahçelievler, Çatalca, Zeytinburnu, Sariyer, Fatih, Esenyurt, Kadıkoy, Uskudar, Tuzla û Pendikê baran bariya. 

Welatiyan ji ber barana zêde xwe avêtin rawestgehan, mekanên girtî û binê piran.

Ji ber rewşa hewaya nebaş seferên wapuran, Tramwaya Bagcilar-Kabataşê, Teleferîka Eyup-Piyer Lotiyê û Maçka Taşkişlayê hatin rawestandin.

Li gorî agahiyên berdest li Unkapaniyê kesekî jiyana xwe ji dest daye.