Li Xezzeyê hejmara bebekên ji ber sermê mirin derket 7an

PeyamaKurd – Ajansa Alîkarî û Xebatê ya ji bo Penaberên Filistînî yên li Rojhilata Nêzîk (UNRWA) ya Neteweyên Yekbûyî (NY) ragihand ku ji ber şert û mercên hewaya sar ên li Xezzeyê di bin êrîşên Îsraîlê de ji ber hewaya sar qeşa girtin û mirin derket 7an.

Di daxuyaniya ku li ser hesabê Xê yê UNRWAyê hat dayîn de hat diyarkirin ku li Xezzeya ku di bin êrîşên Îsraîlê de ye hewaya sar û tunebûna stargehê bû sedema mirina zarokên nû jidayikbûyî.

Di daxuyanîya ku hat belavkirin de derbarê mijarê de hat destnîşankirin li Xezzeyê 7 hezar û 700 pitik ji bo parastina canê xwe bêpar in û wiha hat gotin: "Heta îro ji ber sermayê herî kêm 7 pitik qeşa girtine."

Di daxuyaniyê de hat destnîşankirin ku Rêxistina Tenduristiyê ya Cîhanê (WHO) êrîşên artêşa Îsraîlê û derxistina Nexweşxaneya Kemal Advan şermezar kir. Hat diyarkirin ku ji Cotmeha 2024an vir ve 50 êrîş li Nexweşxaneya Kemal Advan û derdora wê hatine kirin.

Di daxuyaniyê de herwiha hat xwestin ku Midûrê Nexweşxaneya Kemal Advan Husam Ebû Safiye jî bê berdan.