Li Yewnanistanê bikaranîna medyaya civakî dê ji bo zarokan bê sînordarkirin

PeyamaKurd – Li Yewnanistanê bernameya hikûmetê ya nû ya ku dê bikaranîna înternetê û medyaya civakî ya zarokan birêkûpêk bike hat ragihandin. Bernameya hikûmetê ya navborî ji 3 xalên sereke pêk tê: Diyarkirina temenê zarokan di bikaranîna înternetê û medyaya civakî de, zêdekirina kontrola dê û bavan û hevkariya bi platforman re.

Serokwezîrê Yewnanistanê Kiryakos Mitsotakis di çalakiya bi sernavê “Parastina zarokan a li hemberî înternet”ê de, agahî da der barê bernameya nû ya ku hikûmetê de ku ji bo birêkûpêkkirina bikaranîna înternetê û medyaya civakî ya zarokan dixebite.

Mitsotakis diyar kir ku ew dudil in ku qedexekirina medyaya civakî dê encam bide û diyar kir ku bernameya ku hikûmetê pêşniyar dike dê li gorî rastiya medyaya civakî be.

Mitsotakis der barê naveroka bernameyê de hûrgilî parve kirin û diyar kir ku ji ber ku mejiyê wan bi pêş dikeve, pêwîst e psîkolojiya zarokan were parastin.

Mîtsotakis diyar kir ku qedexeyên bi vî rengî yên li ser bikaranîna zarokan a medyaya civakî ku li seranserê Ewropayê di rojevê de ne, dê zextê li platformên medyaya civakî bike da ku di vê mijarê de gavan bavêjin, Mitsotakis destnîşan kir ku li seranserê Ewropayê di vê mijarê de rêzikname têne çêkirin ji bo bikaranîna platformên medya civakî.