Macron di derbarê Rûsyayê de axivî: Pir girîng e sivikatî bi Rûsya neyê kirin

PeyamaKurd – Serokê Fransayê Emmanuel Macron di derbarê Rûsyayê de axivî û diyar kir, pir girîng e sivikatî bi Rûsya neyê kirin da ku dema şer li Ukraynayê raweste çareseriyek dîplomatîk were dîtin.

Macron îro di hevpeyvînekê de eşkere kir: “Divê em sivikatiyê bi Rûsyayê nekin da ku roja şer were rawestandin em karibin bi alavên dîplomatîk rêyeke çareseriyê ava bikin.”

Macron destnîşan kir: “Ez di wê baweriyê de me ku ev rola Fransa, bibe hêza navbeynkar.”

Herwiha Macron da zanîn: “Ez hizir dikim û min jê re got, ku ew ji bo gelê xwe, ji bo xwe û ji bo dîrokê şaşiyeke dîrokî û bingehîn dike."

Hêjayî gotinê ye, Fransa ji hêla leşkerî û aborî ve piştgirî da Ukraynayê, lê ta niha Macron neçûye Kîevê da ku piştgiriya siyasî ya sembolîk mîna serokên din ên Yekîtiya Ewropî pêşkêş bike.