Melonî: Em amade ne diyalogê bi rêveberiya demkî ya Sûriyê re bikin

PeyamaKurd – Serokwezîra Îtalyayê Giorgia Meloni doh diyar kir ku di çarçoveya nirxandin û çalakiyên ku bi hevkarên Ewropî û navneteweyî re tên parvekirin de, ew ji bo diyalogê bi rêveberiya demkî ya Sûriyeyê re amade ne.

Meloniyê ku wê beşdarî Lûtkeya Yekîtiya Ewropa (YE)-Balkana Rojava ya ku wê îro li Brukselê bê lidarxistin û Lûtkeya Serokên Yekîtiya Ewropayê ya di 19ê Kanûnê jî Civîna Serokên Yekîtiya Ewropayê (YE) bibe, li ser mijarên di rojeva her du lûtkeyan û helwesta hikûmeta Îtalyayê de li Meclîsa Nûneran, baskê jêrîn ê parlamentoyê axivî.

Melonî geşedanên li Sûriyê nirxand û got, "Rûxîna rejîma Esed mizgîniyeke baş e ku gelê Sûriyê piştî zêdetirî 10 salan ji şerê navxweyî bi awayekî mafdar pîroz dike."

Melonî da zanîn ku hêzên ku rêveberiya demî ya Sûriyeyê ava dikin ji kokên cuda tên û dibe ku berjewendiyên wan ên nakok hene û got, "Helbet ji bo paşeroja welat fikar heye."

Melonî da zanîn ku di nav welatên G7 de ew yekane welat in ku balyozxaneya wan li Şamê paytexta Sûriyê vekirî ye. Îtalya diyar kir ku ew amade ne di çarçoveya nirxandinên xwe yên bi hevkarên Ewropî û navneteweyî re bi rêveberiya nû ya demkî ya Sûriyeyê re biaxivin.

Serokwezîr Meloni got, "Nîşeyên destpêkê teşwîqkar xuya dikin, lê hişyariya herî zêde pêwîst e: Gotin divê bi kiryar bên peydekirin û em ê desthilatdarên nû yên Sûriyê bi wan kiryaran dadbar bikin. Faktora biryardar wê helwesta wan a li hember hindikahiyên etnîkî û olî be. Ez bi taybetî li Xirîstiyanên ku pir caran têne perçiqandin difikirim,"