Mesrûr Barzanî: PDK hêviya gel û ciwanên Kurdistanê ye

PeyamaKurd – Cîgirê Serokê Partiya Demokrata Kurdistanê (PDK) Mesrûr Barzanî ragihand ku PDK her tim parvekirina desthilatê ligel aliyên siyasî qebûl dike û destê aştiyê dirêjî wan dike.

Îro êvarî 12.10.2024ê Cîgirê Serokê PDKê Nêçîrvan Barzanî û Mesrûr Barzanî beşdarî mîtînga piştevaniya lîsteya 190 ya PDKê li yarîgeha Dihokê dibin û ji bo alîgirên wê partiyê axaftinekê dikin.

Mesrûr Barzanî amaje bi wê yekê jî kir, ku PDK yekane partiyeke siyasî ye ku behsa paşeroja gelê Kurd dike û got, "Pêwîst e rêveberiya paşerojê ya Herêma Kurdistanê di destê wan kesan de be ku gelê Herêma Kurdistanê baweriya wan bi wan heye, xwedî ezmûn, xwe neperçiqînin, dest ji hemû zehmetiyan bernedin. Partiya Demokrata Kurdistanê Yekane partî ye ku heta dawiyê li gel Kurdan dimîne."

Herwiha got, "Gelek partiyan peyamên xwe gihandine gelê Kurdistanê, ti yek ji wan behsa paşeroj û avadankirina Kurdistanê nekir, ti yek ji wan behsa jiyan û paşeroja gelê Kurdistanê nekir."

Barzanî amaje bi wê yekê jî kir ku gelê Kurdistanê ji yekem hilbijartina parlamentoya Kurdistanê heta niha ligel PDKê ye û di hemû hilbijartinan de PDK piraniya dengan bidest xistiye û got, "Lê belê PDKê her tim qebûl kiriye ku bi partiyên din re desthilatdariyê parve bike û destê xwe dirêjî Kurdistanê kiriye. Ji wan xwest ku tevlî hikûmetê bibin."

“PDK li hemberî zilmê tu carî bêdeng nema”

Mesrûr Barzanî bal kişand ser wê yekê ku PDKê ji bo parastina şerefa xwe, ji bo parastina gelê xwe û bi hev re bijîn da ku careke din axa Kurdistanê nekeve destê dijmin û dagirkeran, bi hezaran şehîd dane û got: “PDK tu carî bêdeng neman. Li hemberî her zalimekî ku behsa olê bike bila li hemberî zaliman bêdeng nemîne.”

Mesrûr Barzanî diyar kir ku PDK wê weke her car destê aştiyê dirêjî her kesî bike û got, “Em bi hev re dixwazin Kurdistaneke geştir, bextewertir û bihêztir ava bikin. Eger partiyek hebe ku naxwaze ligel PDKê pêşde biçin û Kurdistanê biparêzin, divê xwe vekişîne da ku PDK bikaribe bernameya xwe ya dabînkirina bextewariyê berdewam bike. Kurdistanê ji nû ve ava bikin. PDK hêviya ciwan, gel û pêşeroja welat e. Slogana wê serkeftin, ewlekarî, aştî, jiyana hevbeş û berxwedan e.