Namzedê Komarî: Amerîka di her rewsê de pistgiriya Kurdistanê dike

PeyamaKurd – Namzedê Komariyan yê Kongreya Amerîkayê Jerry Torres ragihand ku pêwendiyeke wî ya baş a bihêz bi xelkê Kurdistanê re heye û diyar kir, “Amerîka di her rewşê de piştgiriya Kurdistanê dike.”

Jerry Torres ji K24ê re gotiye, “Kurdistan herêmeke xweşik e, ji bo min ecêb e ku hê jî beşek ji Iraqê ye. Ger ez ji bo Kongreyê bi ser bikevim, wê pêwendiyeke min a bihêz bi Kurdan re hebe û ji aliyê aborî ez ê alîkariya wan bikim. Herwiha ez dê xelata wan ji bo tevlîbûna wan a di nehiştina DAIŞê de bidim wan.”

Namzedê Komariyan ê Kongreya Amerîkayê destnîşan kir, “Ez ji Kurdistanê û Kurdan hez dikim, ew bi awayekî qanûnî beşek Iraqê ne. Ez bi her awayî piştgiriya wan dikim. Pêwendiyeke min a baş, bihêz û vekirî bi xelkê Kurdistanê re heye. Herwiha Amerîka di her rewşekê de piştgiriya Kurdistanê dike. Her alîkariyekê bixwaze jî, em pêşkêşî wê dikin.”