NATO û YEyê li dijî gefên Rûsya û Çînê belgeya hevkariya stratejîk îmze kirin

PeyamaKurd – NATO û Yekîtiya Ewropayê (YE) îro 10ê Çileyê li baregeha NATO danezana hevkariya stratejîk a li dijî gefên Rûsya û Çînê îmze kirin.

Di danezana ku li baregeha NATO ya Brukselê hatiye îmze kirin de, tê armanckirin ku hevkariya navbera NATO û YEyê bigihe asteke hîn bilindtir.

Di danezana ku ji aliyê Sekreterê Giştî yê NATOyê Jens Stoltenberg, Seroka Komîsyona Ewropayê Ursula von der Leyen û Serokê Konseya Yekîtiya Ewropayê Charles Michel hat îmzekirin de, bi taybet behsa şerê Ukrayna û gefên Rûsyayê yên li ser Ewropayê tê kirin ku wekî binpêkirina hiquqa navdewletî tê binavkirin.

NATO û YEyê bang li Rûsyayê kirin ku demûdest şerê Ukraynayê bidawî bîne û hêzên xwe ji nav Ukraynayê vekişîne.

Herwiha di belgeya hevpar a NATO û YE de, behsa gefên Çînê jî tê kirin ku Çîn bi taybet di warê aborî û polîtîkayên xwe de, gefê çêdike û ji bo rêxistinên terorê jî zemînê çêdike.