Nêçîrvan Barzanî bi fermî bû namzetê serokatiya Kurdistanê

PeyamaKurd – Serokwezîrê Herêma Kurdistanê Nêçîrvan Barzanî îro sêşemê bi fermî ji bo namzetiya seroktiya Kurdistanê hat destnîşan kirin.

Partiya Demokrata Kurdistanê (PDK) îro 14ê Gulanê CVya Nêçîrvan Barzanî ya bo namzetiya seroktiyê pêşkeşî Parlementoya Kurdistanê kir û navê Nêçîrvan Barzanî gihand Desteya Seroktiya Parlamentoya Kurdistanê.

Desteya Serokatiya Parlementoya Kurdistanê ragihandibû ku 15ê Gulanê li saet 11:00an dema xwe kandîdkirinê bo serokatiya Herêma Kurdistanê bi dawî dibe.

Piştî navê namzetan ji aliyê desteya Parlementoyê Kurdistana ve bê eşkerekirin û navê wan bo parlamentoyê bê şandin, dê parlamento li ser namzetan deng bide û serokê Herêma Kurdistanê hilbijêre.

Li gorî yasaya serokatiya Herêma Kurdistanê divê du cîgirên serokê hebin û serok desthilatiya wan cîgiran detnîşan bike.