Nêçîrvan Barzanî: Cihekî taybet ê Madeleine Albright di dîroka kurdan de heye

PeyamaKurd - Serokê Herêma Kurdistanê Nêçîrvan Barzanî, li ser koça dawî ya wezîra berê ya derve ya Amerîkayê Madeleine Albright peyameke sersaxiyê bo malbata û wê Amerîkayê belav kir.

Serokê Herêma Kurdistanê Nêçîrvan Barzanî li ser twîtterê peyamek belav kir û xemgîniya xwe ji ber koça dawî ya Madeleine Albright anî ziman û sersaxiyê ji malbata wê re xwest.

Nêçîrvan Barzanî got: “Fikr û duayên min bi malbat û hevalên Wezîra Derve ya berê ya Dewletên Yekbûyî yên Amerîkayê (DYA) Madeleine Albright re ne. Ew di dîroka Kurdistanê de xwedî cihekî taybet e ji ber ku di salên 1990'î de di rawestandina şerên navxweyî de rolek girîng lîst. Rehma Xwedê li ser be.”

My thoughts and prayers are with the family and friends of the former US Secretary of State Madeleine Albright. She holds a special place in Kurdistan history as she played an important role in ceasing internal fighting in 1990s. May she rest in peace.

— Nechirvan Barzani (@IKRPresident) March 24, 2022

Madeleine Albright doh 23yê Adarê di 85 saliya xwe de koça dawî kir.