Nêçîrvan Barzanî: Em dixwazin di çend waran de ji Estonyayê sûdê werbigrin

PeyamaKurd - Serokê Herêma Kurdistanê Nêçîrvan Barzanî û Serokê Komara Estonyayê Alar Karis piştî civîna doh 17ê Çileyê ya li Hewlêrê civîneke hevpar a rojnamevanî li dar xistin.

Nêçîrvan Barzanî di civînê de ragihand, îşev me civîneke baş bi Serokê Estonyayê re kir, me behsa pêşxistina pêwendiyên Estonyayê bi Iraq û Herêma Kurdistanê re kir, zêdetir me behsa derfetên alîkariya hevpar û girîngiya parastina aramî û seqamgiriya deverê kir.

Serokê Herêma Kurdistanê Nêçîrvan Barzanî got: “Me di li ser êrîşên ser Hewlêrê û pêşhatên deverê û rewşa mirovî li Xezzeyê û şerê Ukraynayê danûstandin kirin”.

Barzanî diyar kir, “Me rêz û spasiyên xwe ji bo gel û hikûmetên Estonyayê tekez kirin, ku di çarçoveya Hevpeymaniya Navdewletî ya Dijî DAIŞê de alîkariya Iraq û Herêma Kurdistanê kiriye”.

Nêçîrvan Barzanî da zanîn, “Niha jî hêzeke Estonyayê ya leşkerî li Herêma Kurdistanê di erkê xwe de ye, şêwirmendî û alîkariyan pêşkêşî Pêşmergeyan dikin, em spasiya wan dikin û destxweşiyê lê dikin”.

Serokê Herêma Kurdistanê di dewamê de bibîr xist: “Ji bilî hevpariya me di rûbirûbûna terorê û demargiriya tundrê de, em li Herêma Kurdistanê dixwazin ji şarezahiya ezmûna serkeftî ya Estonyayê di çend waran de sûdê werbigirin, wekî warê IT û hikûmeta elektronî  ku ew di vî warî de pêşeng in. ji bo vê meremê, çend caran şandên Hikûmeta Herêma Kurdistanê serdana Estonyayê kirine”.